• 17
    MAI
    Milaka pertsonak babestu dute Kontseiluaren deialdia
    EHE. BLOGA; Irakaskuntza

     

    Milaka euskaltzalek hartu zituzten Iruñeko karrikak iragan larunbatean euskaraz bizitzeko eskubidea aldarrikatzeko borondatearekin. "Nafarroan euskaraz bizitzeko eskubidea" lelopean bildu ziren milaka euskaltzaleek ozen adierazi zuten herri euskalduna erdiesteko bidean egiten duten hautua, eta giza-olatu zabala osatu zuten. Iñaki Lasa Kontseiluko kidearen esanetan "Iruñean inoiz euskararen alde egin den manifestaziorik jendetsuena" izan zen larunbatekoa. Kolore eta doinu anitzek alaitu zuten euskaltzaleen ibilbidea, baina bakarra izan zen irudia: euskaraz bizi nahi duen herria.

     

     

     

    Iñaki Lasak, Kontseiluaren ildo politiko instituzionaleko arduradunak manifestazioaren amaieran azaldu zuenez, "Iruñean inoiz euskararen alde egin den manifestaziorik handiena izan da". 

    Balorazio oso ona egin du Kontseiluak egindako deialdiak izan duen erantzunaz. Manifestazioa ez dela ezeren amaiera aipatu du Lasak. "gaurko manifestazioa zerbaiten hasiera besterik ez da. Aurrera begira lan egiteko oinarriak jarri behar ditugu".

    Paul Bilbaok, Kontseiluko idazkari nagusiak irakurri zuen manifestazio amaiera Kontseiluaren aldarrikapena. 

     

    Eranskinak:

    Paul Bilbaok irakurri zuen adierazpena

    Kontseilua (argazki galeria ere badago bertan)

    Berria

     

AGENDA

2024, apirila
As. As. As. Ost. Ost. Lar. Ig.
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
     
       
Egin zaitez bazkide!
EH euskaldunari ateak ireki

Euskaraz bizi sarean