• 02
    ABE
    1979an sortu zenetik egun arte EHEn parte hartu duten kideetatik 250 baino gehiagok adierazpen bat sinatu dute abenduaren 6rako deitu den manifestazioarekin bat eginez.
    EHEren GARAI GUZTIETAKO 250 KIDE BAINO GEHIAGOK ADIERAZPENA SINATU DUTE ABENDUAREN 6ko MANIFESTAZIORA DEITUZ

    Adierazpenean dioen bezala, sinatzaileek “euskararekiko maitasunak eta euskaraz biziko den Euskal Herriaren ametsak bultzatuta” hasi ziren EHEn parte hartzen, eta “ibilbide horretan milaka izan dira Euskal Herria berreuskalduntzea helburu egin ditugun mobilizazio, salaketa ekintza, kartel pegada, hitzaldi, prentsaurreko eta bilerak”.

    Baina esperientzia horretatik abiatuta, euskararen normalizazioan jauzi egin beharra ohartarazten dute, “hori egin ezean, berriz ere atzera egin eta galzorian erortzeko arriskua nabarmena” baita. “Espainiar eta frantziar estatuen politika linguizidek bere horretan jarraitzen dute”, eta “okerrera egingo dutenaren zantzuak agerikoak dira”. Horregatik, EHEren eraberritze ideologikoarekin bat etorri eta burujabetza osoa aldarrikatu dute sinatzaileek, hizkuntza-politika egokia erabaki ahal izateko.

    Hori dela eta, “bat egiten dugu Euskal Herri euskalduna eraiki ahal izateari ateak irekiko dizkion euskal estatu independentearen aldarrikapenarekin eta dei egiten dugu ere Euskal Herrian Euskarazek abenduaren 6rako Durangon “Euskaraz bizitzeko, Euskararen Errepublika” lemarekin deitu duen manifestaziora” adieraziz amaitzen da adierazpena.

    Adierazpen osoa:

    Bada garaia noizbait dezagun
    guda hori gal edo irabaz.


    Adierazpen hau sinatzen dugunak bere sorreratik gaurko egunera arte uneren batean ala bestean Euskal Herrian Euskarazeko kide izan garen euskaltzaleak gara. 1979an EHE sortu zenetik, zenbatezinak gara bere proiektua aurrera ateratzen parte hartu dugunak. Gure hizkuntza euskararekiko maitasunak eta euskaraz biziko den Euskal Herriaren ametsak bultzatu gintuen EHE sortu edo bere ibilbidearen uneren batean bere kide izatera. Ibilbide horretan milaka izan dira Euskal Herria berreuskalduntzea helburu egin ditugun mobilizazio, salaketa ekintza, kartel pegada, hitzaldi, prentsaurreko eta bilerak. Gainontzeko euskalgintzarekin eta orokorrean euskaltzaleekin batera azken lau hamarkadatan aurrera eramandako borrokari esker lortu dugu euskara putzu beltz eta sakonetik ateratzea; historian zehar hildako hizkuntzen zerrendako partaide izateko euskarak zeraman patu beltza itzultzea. Ez hori bakarrik, ahalegin horren emaitza da ere euskarari etorkizun bideragarria emateko atea zabaldu izana; baita ere aspaldi baztertua izan zen berezko zituen lurraldeetan berriz ere euskararen ahotsa entzutea, zein eremu eta funtzio garaikide aurreratuenetan bere tokia egitea ere. Eskuzabalki eta umiltasunez egindako lan guztiaz eta lortutako emaitzez harro gaude.

    Baina, azken mende erdian izandako esperientzia horiek guztiak eta bidean metatutako ezagutzak ondorio batera eraman gaitu: euskararen berreskurapen eta normalizazioaren bidean jauzia eman beharra duena herri honek, epe erdi batean eman beharra ere. Hori egin ezean, berriz ere atzera egin eta galzorian erortzeko arriskua nabarmena da. Horren zantzuak begi-bistakoak dira.

    Euskara galzorira eraman zuten espainiar eta frantziar estatuen politika linguizidek bere horretan jarraitzen dute, batzuetan gordinago besteetan maltzurrago. Are okerrago, estatuen politikek okerrera egingo dutenaren zantzuak agerikoak dira. Hori gutxi ez eta bizi dugun mundu globalizatu neoliberalaren orotariko zapalkuntzak bete-betean eragiten die euskara bezalako hizkuntza gutxituei ere. Mundu mailako homogeneizazio linguistiko eta kulturalaren oldarraldia inoiz baino hedadura eta abiadura handiagoarekin eragiten ari da. Ortzi-mugan azaltzen zaizkigun hodei beltzek larrialdi linguistikoan sartzen ari garela ondorioztatzera eramaten gaituzte.

    Horregatik guztiarengatik, EHEk egin duen eraberritze ideologikoarekin bat etorriz, gure ustez herri honek zein nolako hizkuntza-politika indarrean jarri nahi duen askatasunez erabakitzeko aukera izan dezan garaia da. Hori da euskarak behar duen jauziaren muina. Beste edozein hizkuntza-komunitatek bezala horretarako eskubide osoa du. Eta eskubide hori estatuen kanpo-eskuhartzerik gabe baliatu ahal izateko burujabetza osoaren beharra aldarrikatzen dugu beraz.

    Argi dugu hizkuntza-eskubideen bermea eta burujabetza linguistikoa estatuek ez dizkigutela borondatez itzuliko. Mendetako hizkuntza-zapalkuntzaren kalteak borrokaren bidez itzularazten ari gara azken hamarkadatan, eta soilik borrokaren bitartez lortuko dugu berreuskalduntze-prozesua irabazpidean jartzea. Horregatik, euskaltzaleok berriz ere aktibatu eta kalera ateratzeko garaia dugu, urteetan egin dugun bezala. Azken garaian areagotzen ari diren gure aurkako irain, gutxieste eta erasoen aurka, euskaldun izatearen harrotasuna berreskuratu eta gure eskubideen defentsan mobilizatzeko unea dugu berriz ere.

    Ez da erraza izango baina ziur gaude Euskal Herri euskalduna irabazteko eguna pazientzia erre aurretik ikusiko dugula. Bideak eta aireak zabalduko ditugula gure hizkuntzak har dezan arnas.

    Arrazoi horiengatik, guk ere bat egiten dugu Euskal Herri euskalduna eraiki ahal izateari ateak irekiko dizkion euskal estatu independentearen aldarrikapenarekin eta dei egiten dugu ere Euskal Herrian Euskarazek abenduaren 6rako Durangon “Euskaraz bizitzeko, Euskararen Errepublika” lemarekin deitu duen manifestaziora.

    Gora Euskal Herri euskalduna!
    Gora Euskal Herrian Euskaraz!

     

    Atxikimendu publikoak:

    Ipar Abasolo
    Garazi Aduriz
    Ibon Aginaga
    Iker Agirre
    Eneko Aierbe
    Urko Aierbe
    Maite Aierdi
    Ioritz Aizpuru
    Ane Aizpurua
    Arantza Aizpurua
    Gabi Aizpurua
    Marta Aizpurua
    Justo Alberdi
    Ander Albisu
    Euri Albizu
    Asier Alcedo
    Joxe Aldasoro
    Saioa Alegria
    Xabier Alegria
    Beatriz Aleman
    Sagrario Aleman
    Joseba Alvarez
    Peru Alvarez
    Maider Amantegi
    Iñigo Ameztoi
    Itziar Amunategi
    Dabid Anaut
    Maider Ansa
    Iera Arantzamendi
    Aitziber Areitio
    Libe Argoitia
    Maddalen Aristegi
    Maitane Arizabaleta
    Kattalin Arizmendiarrieta
    Zesar Armendariz
    Mikel Arnaiz
    Igor Arreal
    Unai Arreal
    Iñigo Arregi
    Nekane Arrieta
    Jexux Arrizabalaga
    Naiara Arrizabalaga
    Aloña Arruarte
    Mikel Arruti
    Idoia Astiz
    Garbiñe Astoreka
    Markel Atutxa
    Arantza Atxurra
    Alexander Axpe
    Miren Azkarate
    Maider Azkarraga
    Nerea Azurmendi
    Asier Basabe
    Gabi Basañez
    Pernan Basterretxea
    Oier Basurko
    Maialen Begiristain
    Xanti Begiristain
    Bego Belar
    Gotzon Beloki
    Joseba Beltza
    Ana Tere Bengoetxea
    June Bengoetxea
    Maialen Bengoetxea
    Idurre Bera
    Urko Betanzos
    Adela Bikandi
    Haritz Bilbao
    Imanol Bilbao
    Zigor Bilbao
    Maialen Bildosola
    Endika Blanco
    Tomax Boada
    Aritz Bravo
    Fontso Cantera
    Ekiñe Casado
    Itziar Claver
    Silvia Cuesta
    Ametz De Miguel
    Biki Diaz
    Ibane Dorronsoro
    Jugatx Duñabeitia
    Ainhoa Elizondo
    Olaia Elorza
    Asier Elustondo
    Uxoa Elustondo
    Ixiar Eratsun
    Antton Erkizia
    Iratxe Errekalde
    Ion Erro
    Kontxi Erro
    Eva Esnal
    Nestor Esteban
    Larraitz Etxabe
    Danel Etxagibel
    Eñaut Etxebarri
    Iñigo Etxebarria
    Lierni Etxebarria
    Joxean Etxeberria
    Lander Etxeberria
    Oier Etxebeste
    Zigor Etxeburua
    Eneko Ezeiza
    Maialen Ezkerra
    Iñigo Fernandez de Martikorena
    Pello Fuente
    Joxemari Galarraga
    Gorka Galdeano
    Itsaso Ganboa
    Iban Garnika
    Azaitz Gartzia
    Zigor Gartzia
    Koldobika Gerrikagoitia
    Jasone Gezuraga
    Nerea Goiria
    Ander Gómez
    Dani Goñi
    Liher Gonzalez
    Iban Gortazar
    Oroitz Gurrutxaga
    Joana Halsouet
    Iban Herrarte
    Ander Huidobro
    Maider Ibarguren
    Iñigo Ibarra
    Igor Igartua
    Anaitz Igoa
    Aitor Ilarreta
    Amaia Illarreta
    Iraide Indart
    Mikel Irastorza
    Sébastien Irazoqui
    Aritza Iriarte
    Elurre Iriarte
    Bartolo Iribar
    Laura Irigibel
    Madalen Irizar
    Juanja Iturralde
    Karmentxu Iturriaga
    Iñaki Iurramendi
    Antton Izagirre
    Onintza Izko
    Lierni Iztueta
    Alaitz Jauregi
    Aitor Juaristi
    Mariñe Kamiruaga
    Sergio Kañamero
    Saats Karasatorre
    Sonia Kintana
    Irati Korres
    Lander Labajo
    Xabat Laborde
    Igone Lamarain
    Igor Landaluze
    Josu Landeta
    Aitor Larrañaga
    Saioa Larraza
    Eider Larrazabal
    Unai Larreategi
    Gaizka Larrinaga
    Mikel Legorburu
    Juani Lizaso
    Nagore Llodio
    Eider Lopez
    Silvia López
    Gorka Madrazo
    Aritza Maguregi
    Kristina Mardaras
    Iñaki Martinez
    Lore Martinez
    Lorea Martinez
    iF Matxikote
    Beñat Mendiguren
    Jone Mendigutxia
    Andoni Mendinueta
    Esti Mujika
    Koldobike Muniain
    Igor Odriozola
    Irati Odriozola
    Maritxu Oiartzun
    Roke Ojanguren
    Ainhoa Olaizola
    Jon Orbetzua
    Mikel Ortiz de Zarate
    Joseba Otano
    Gorka Ovejero
    Maite Oviedo
    Irati Pagoaga
    Maialen Pelaez
    Joseba Permach
    Agustina Pontesta
    Igor Quincoces
    Izaskun Quintas
    Haizea Ramirez de Alda
    Ibai Redondo
    Koldo Rodríguez
    Saioa Rodriguez
    Ainitze Saez de Arregi
    Gotzone Sainz de Murieta
    Gurutz Sainz de Murieta
    Arrate Saitua
    Iker Salaberria
    Ainara Salazar
    Premin Sampedro
    Uxue Sampedro
    Ainize Sanchez
    Jon Sanchez
    Susana Santos
    Ander Solozabal
    Kepa Suarez
    Maika Tameron
    Inaki Telleria
    Alaitz Tolosa
    Oihana Torregrosa
    Iker Tubia
    Edurne Ugalde
    Urtzi Ugalde
    Kepa Ugarte
    Iñaki Uranga
    Nora Urbizu
    Urko Uriarte
    Alain Urizar
    Ainhoa Urruzola
    Luis Urzainki
    Mikel Valdivielso
    Ainara Vazquez
    Jon Koldo Vázquez
    Iurgi Vidal
    Unai Villacorta
    Alaitz Zabaleta
    Erlantz Zaldunbide
    Ikerne Zamakola
    Ane Zarate
    Koldo Zarate
    Arkaitz Zarraga
    Zaloa Zarraga
    Izarne Zelaia
    Josu Zelaia
    Jasone Zenikaonandia
    Eulate Zilonizaurrekoetxea
    Mikel Zubiria
    Xabier Zubizarreta
    Oskar Zulet
    Jagoba Zulueta
    Mikel Zumarraga